Papiamentu ta e idioma ku ta uza na Boneiru, Kòrsou i Aruba. Na mundu tin mas òf ménos 6800 idioma; di kua 2261 so tin ortografia. Papiamentu tin ortografia ofisialisá. Esaki ta un kombenio pa skirbi un idioma segun un totalidat di regla.
Tur idioma ta pertenesé na un famia di idioma. Na mundu tin 6 famia grandi. Papiamentu ta pertenesé na e famia di idioma indo-germano. Mas òf ménos mitar di poblashon di mundu ta papia un idioma ku ta pertenesé na e famia aki. Mas ku mitar di e idiomanan na mundu ta na peliger paso ta un hende òf un grupo di hende so ta papié. Pa un idioma keda esksistí mester di 160.000 persona ku ta papia e idioma i papiamentu tin sigur mas ku 160.000 papiadó.
Papiamentu tin dos tipo di ortografia: etimológiko i fonológiko.
-
fonológiko: (uzá na Kòrsou i Boneiru) ta skirbi un lèter pa kada zonido. Tin algun kombinashon di lèter ku ta representa un zonido.
-
etimológiko: (uzá na Aruba) ta skirbi un palabra segun nan origén.
E ortografia ku nos ta uza ta "Ortografia Römer-Maduro-Jonis" ku gobiernu sentral a skohe na 1975.
Na aña 1983 a publiká e buki "Ortografia di Papiamentu".