Alfabèt ta e totalidat di lèternan ku nos ta usa pa representá e zonidonan.
E alfabèt di papiamentu ta konsistí di 22 konsonante i 9 vokal.
Vokal
Papiamentu tin 9 vokal: 5 nòrmal i 4 modifiká.
Vokal nòrmal ta konsistí di:
- vokal fuerte: A E O
- vokal suak: U I
E vokalnan modifiká ta: è ü ù ò.
Konsonante
Papiamentu tin 22 konsonante: 21 nòrmal i unu modifiká.
Konsonante modifiká: ñ.
E lèter aki ta representa e zonido 'ny'.
Uso di 'G': e lèter 'G' ta representa dos zonido
-
g-sonoro (ku bos) dilanti di: a, o, ò, u, l, r
-
g-surdu (sin bos) dilanti di: e, i, ù
Pa haña un G-sonoro dilanti di un 'E' òf 'I' mester pone lèter 'U' tras di lèter 'G': guera, sigui.
Komo ku den e kaso aki lèter U no tin zonido, nos ta bisa ku lèter U ta muda. Aki ta uza U solamente pa kambia e zonido di g-surdu pa g-sonoro.
-
Si tras di lèter G tin un shua siguí pa R òf L, e 'G' ta un g-sonoro: angel, sanger.
Konsonante ku uzo spesial
Papiamentu tin kuater konsonante, C, J, Q i X, ku uzo spesial. E uzonan aki ta:
-
pa nòmber geográfiko;
-
p.e. den kímika i matematika: NaCl, punto c;
-
pa skirbi nòmber propio: Quiona, Alexa;
-
pa ora ta hasi partisipashon den artíkulo;
-
den palabra adopta intakto for di otro idioma: qou vadis, centerfielder.
Tambe ta usa e lèternan 'C' i 'J' den kombinashon di konsonante pa forma otro zonido.
E lèternan C, J, Q i X nòrmalmente no ta uza den ortografia di papiamentu si no ta den e situashonnan nombrá ariba.